Presioni ndaj serbëve të Kosovës po vazhdon dhe vetëm brenda natës në fshatin Ranilluk janë hedhur tri granata dore brenda oborreve të shtëpive të tri personave nga ky komunitet.
“Telegrafi” shkruan se granatat e dorës janë hedhur në shtëpitë e personave të cilët janë zyrtarë në institucionet e Kosovës, saktësisht ndaj nënkryetarit të komunës së Ranillukës, drejtorit të Qendrës për punë sociale si dhe drejtorit të çerdhes.
Në raportin e Policisë së Kosovës bëhet e ditur se në oborrin e shtëpisë të një personi nga komuniteti serb, persona të dyshuar të panjohur kanë hedhur një mjet shpërthyes (granat dore). Siç thuhet në raport si pasojë e shpërthimit janë shkaktuar dëme materiale në veturat të cilat ishin të parkuara në oborr.
