Policia e Kosovës ka njoftuar se ka vdekur mbrëmë një nga personat që kishte mbetur i plagosur në Rahovec pas të shtënave me armë zjarri. Rasti ka ndodhur më 19 shtator, derisa prej atëherë, viktima ishte duke u trajtuar në Qendrën Klinike dhe Universitare të Kosovës bashkë me vëllanë.
“VRASJE E RËNDË-Rr. Fahri Fazliu, Rahovec 19.09.2023 – 16:45. Me datë 22.09.2023 ka ndërruar jetë njëri nga viktimat që ka qenë në tretman mjekësor në QKUK. Me urdhër të prokurorit të shtetit trupi i pa jetë i viktimës është dërguar në IML për obduksion, rasti vazhdon të hetohet”, thuhet në raport e policisë së Kosovës. Faqja e OVL-UÇK në Rahovec ka njoftuar se viktima ishte ish-ushtar i UÇK-së. Incidenti ka ndodhur në rrugën “Fahri Fazliu”.
