Policia e Përmetit ditën e sotme ka bërë të mundur shpëtimin e 23 turistëve të cilët ishin bllokuar në zonën e quajtur “Kanioni i Langaricës”.
Menjëherë pas njoftimit policia është nisur drejt vendngjarjes, bashkë me shërbimet e zjarrfikësve.
Pas disa orësh kërkime shërbimet e Policisë kanë gjetur 23 turistët gjermanë, polakë, e francezë në vendin ku kishin mbetur të bllokuar për shkak të rritjes së nivelit të ujit në lumin e Langaricës, nga rreshjet e shiut.
Turistët janë shoqëruar për në Përmet dhe iu është ofruar ndihma e nevojshme mjekësore, e aktualisht ndodhen në gjendje të mirë shëndetësore.
