Analisti amerikan, Janusz Bugajski njohësi i çështjeve të Ballkanit Perëndimor i ka çuar një mesazh direkt të dërguarit special të Bashkimit Evropian, Miroslav Lajçak për dialogun Kosovë-Serbi.
Lajçak në një postim të fundit pas takimit me Escobarin theksoi se kishin biseduar për hapat tjerë për zbatimin e marrëveshjes për normalizim e raporteve Kosovë-Serbi.
Jonusz Bugajski i kërkoi Lajçakut të ndalojnë këtë gjuhë të pakuptimtë dhe se askush nuk e beson më këtë fasadë. “Ndaloni gjuhën e pakuptimtë dhe mendimet e dëshirueshme.
Askush nuk e beson më këtë fasadë. Beogradi dhe Moska po ju ‘luajnë’ për budallenj. Kështu dëshironi të kujtoheni kur të ndizet lufta e ardhshme ballkanike?”, shkruan në reagimin e tij Bugajski.
