Në Tiranë po zhvillohet sot Ministeriali euro-ballkanik i Ministrave të Ekonomisë, në kuadër të Procesit të Berlinit.
Fjalën i pari në këtë ministerial e mori kryeministri Rama, i cili u shpreh i lumtur që ky aktivitet kaq i rëndësishëm po zhvillohet në vendin tonë, për herë të parë jashtë kufijve të BE.
Rama: BE ka nevojë për Ballkanin Perëndimor aq sa ne për të!
“Jam i lumtur që Shqipëria po organizon Samitin e parë në kuadër të Procesit të Berlinit jashtë kufijve të Bashkimit Evropian.
Mund të mos biem dakord për shumë gjëra në këtë rajon. Mund të kemi ende çështje të pambyllura në rajon, por detyra jonë është që të biem sa më shumë dakord dhe ti bëjmë gjërat së bashku. Sepse sa më shumë kemi bërë gjëra së bashku, aq më shumë kemi marrë të mira së bashku.
Dua të falënderoj përzemërsisht dhomat e përfshira në këtë proces, konkretisht Unionin e Dhomave të Tregtisë së Ballkanit Perëndimor.”, deklaroi ndër të tjera në fjalën e tij në këtë aktivitet Kryeministri Rama.
