Ambasadori amerikan në Serbi, Christopher Hill deklaroi sot në Beograd se sulmi terrorist ndaj Policisë së Kosovës në Banjskë është një “ngjarje tragjike” dhe se po shqyrtohen hapat e mëtejshëm.
“Ne të gjithë duhet ta dënojmë vrasjen e një pjesëtari të Policisë së Kosovës dhe gjithmonë mbajmë zi për humbjen e jetëve, por duhet të vazhdojmë me procesin politik. Po zhvillohen procese për të inkurajuar dialogun”, tha Hill.
Hill tha gjithashtu se procesi diplomatik duhet të forcohet në ditët dhe javët në vijim.
“Kjo situatë po trajtohet shumë seriozisht dhe po zhvillohen diskutime të shumta se çfarë hapash të mëtejshëm duhet të ndërmerren”, tha ai.
