Mediat serbe kanë raportuar sot se organizatori i sulmit terrorist në veri të Kosovës dhe ish-nënkryetari i Listës serbe, Milan Radoiçiçi i është përgjigjur thirrjes së Ministrisë së Brendshme të Serbisë dhe bashkë me avokatin e tij në orën 10:00 është parë duke hyrë në ambientet e institucionit në fjalë.
Sipas mediave vendase, se Radoiçiç është ftuar për të dhënë deklaratë rreth sulmit terrorist të organizuar më 24 shtator në Banjskë të Zveçanit.
“Novosti” në Serbi raporton se pritet që për dëshminë e Radoiçiç të njoftohet pastaj edhe Prokuroria e Lartë e Beogradit, e cila do të ndërmarrë masat dhe veprime e nevojshme procedurale brenda juridiksionit të saj.
