Çmimi Nobel në fizikë për vitin 2023 u është dhënë Pierre Agostini, Ferenc Krausz dhe Anne L’Huillier për krijimin e “fliceve të dritës që janë mjaftueshëm të shkurtra për të marrë fotografi të lëvizjeve jashtëzakonisht të shpejta të elektroneve”, njoftoi Akademia Mbretërore Suedeze e Shkencave në Stokholm të martën.
Elektronet lëvizin aq shpejt saqë më parë mendohej se lëvizjet e tyre ishin të pamundura për t’u ndjekur. Por tre fizikanët “kanë demonstruar një mënyrë për të krijuar pulsime jashtëzakonisht të shkurtra drite që mund të përdoren për të matur proceset e shpejta në të cilat elektronet lëvizin ose ndryshojnë energjinë” tha komiteti.
Ai vlerësoi laureatët që i dhanë “njerëzimit mjete të reja për të eksploruar botën e elektroneve brenda atomeve dhe molekulave”, shkruan CNN.
