Kreu i Partisë Demokratike, Sali Berisha, ka theksuar se protesta është mënyra më e efektshme për të përballuar krizën dhe për të mbrojtur ekonominë e vendit.
Gjatë një tryeze me anëtarë të departamentit “Brain Gain” për Portin e Durrësit, ai kritikoi ashpër politikat ekonomike të qeverisë dhe apeloi për angazhimin qytetar në protestat paqësore.
“Angazhimi qytetar është diga e vetme që mund t’i ngrihet këtij regjimi grabitqar. Protesta është mënyra për të shpëtuar pasurinë më të madhe publike dhe për të mbrojtur interesat më jetike të qytetarëve,” tha Berisha, duke nënvizuar rëndësinë e veprimit të shpejtë për të ndaluar përkeqësimin e situatës ekonomike.
