23 anëtarë të Ushtrisë Indiane janë shpallur të zhdukur si pasojë e përmbytjeve të shkaktuara nga një stuhi e fortë në shtetin verilindor të Sikkim, në verilindje të Indisë.
Këtë lajm e ka bërë të ditur zëdhënësi i Ministrisë së Mbrojtjes së Indisë.
“Disa objekte ushtarake në luginë janë prekur nga përmbytjet dhe po bëhen përpjekje për të përcaktuar bilancin e kësaj fatkeqësie,” tha një zëdhënës i Ministrisë së Mbrojtjes të Indisë në qytetin Guwahati.
Shirat prekën luginën rreth 150 kilometra në veri të Gangtok, i cili ndodhet jo shumë larg kufirit me Kinën.
