Tre deputetë të PD-së, Kreshnik Çollaku, Jorida Tabaku dhe Oriola Pampuri kanë kërkuar reflektim për të shmangur debatin brenda partisë. Nga kjo situatë, deputetët, thanë se po përfiton vetëm shumica socialiste.
“Nuk ka faj Elisa që ne kemi dy vite që shahemi dhe fyejmë njëri tjetrin. Këtë debat nuk duhet t’ua kishim ofruar këtyre, kundërshtarët tanë politikë.
Fjalët, sulmet dhe akuzat. I dashur miku im Flamur (Noka) duhen mbajtur fjalët. Se ndodh që atij që i thua peng për gjashtë muaj e merr dhe e bën kryetar grupit pastaj” tha Çollaku.
Në të njëjtën linjë ishte dhe Jorida Tabaku. “Mos i lëmë ata të kënaqen me sherrin dhe debatin tonë. Këtë (socialistët) presin të që merren me sherrin tonë” tha ajo.
Edhe Pampuri, që është në krahun e Lulzim Bashës reagoi. “Dëgjova kolegë që thonë “pengje, pengje, pengje”. O zotërinj pengje janë ata që marrin leje ndërtimi dhe ndërtojnë pallate, jo unë.
Nuk jam unë peng. Ne kemi arritur këtu me mund dhe pastërti. Ndoshta kjo na bën peng” tha ajo.
