Kryeministri Edi Rama ka mbërritur në samitin e tretë të komunitetit politik evropian që po mbahet në Spanjë.
Në fjalën e tij të parë pas mbërritjes, Rama është ndalur te çështja e tensioneve në veri të Kosovës, për të cilën është shprehur se është një situatë shumë e rrezikshme.
Rama thotë se është gjë e mirë që NATO ka shtuar prezencën e KFOR-it sepse kufiri është bërë shumë poroz.
Po ashtu ai thotë se BE duhej të kishte reaguar ashpër për faktin se Serbia mbajti ditë zie për të nderuar ata që vranë një polic.
Ai shtoi se lufta është fjalë e madhe, por duhen marrë masa para se të jetë tepër vonë.
