Gjykata e Posaçme e Apelit vendosi që të linte në arrest me burg pa afat avokatin Alban Bengasi, i cili i arrestua në shtator në Rinas sapo zbriti nga avioni që po kthehej nga Dubai ku qëndroi i fshehur prej më shumë se një viti.
“Nuk kam lidhje me akuzat. Me ish-bashkëshorten kam marrëdhënie normale pavarësisht se jemi divorcuar”, tha Alban Bengasi, por Apeli la në fuqi vendimin e shkallës së parë.
Sipas të penduarit të drejtësisë, Nuredin Dumani, Alban Bengasi kishte ofruar 120 mijë Euro për të vrarë ish-gruan e tij. Por Dumani tha se nuk e kishte pranuar, duke thënë se “nuk i pëlqente të rrihte gra”.
Por me këtë çështje, ai dëshmoi se u mor Eljo Bitri dhe një person tjetër, sipas Nuredin Dumanit, të cilët pasi ndoqën ish-bashkëshorten e Alban Bengasit e dhunuan duke e goditur me grushte në fytyrë.
