Një 50-vjeçar me iniciale S.B është arrestuar sot në Beograd në lidhje me kërcënimet për vrasjen e ambasadorit amerikan në Serbi, Christopher Hill.
Këtë e ka konfirmuar kryeprokurori publik i Prokurorisë së Lartë Publike në Beograd, Nenad Stefanoviç, sipas “Blic.rs”.
I arrestuari dyshohet ka shkruar në rrjetin social “Facebook”: “Koha për një goditje të re të Gavrilo Principit direkt në kokën e okupatorit Christopher Hill…”
50-vjeçari akuzohet se ka kryer veprën penale “Rrezikimi i personit nën mbrojtje ndërkombëtare” ka thënë prokurori Stefanoviç.
