Makina e një efektivi policie me inicialet Th. H është përfshirë nga flakët në orët e para të mëngjesit të sotëm në Pogradec.
Mësohet se ngjarja është regjistruar rreth orës 03:00 të natës në lagjen nr. 3 në rrugën “Reshit Çollaku”.
Sipas të dhënave paraprake dyshohet për ngjarje aksidentale dhe se zjarri mund të ketë rënë për defekte në pjesën e brendshme të motorit të makinës tip “Mercedes-Benz”.
Në vendngjarje kanë shkuar zjarrfikëset të cilat kanë bërë të mundur fikjen e zjarrit duke shpëtuar edhe dy makina të tjera që ishin parkuar pranë mjetit në flakë.
Policia po vijon hetimet për sqarimin e ngjarjes.
