Mesditën e sotme kanë rënë tre vatra zjarri në Marinzë. Për shkak të zjarreve mësohet rrezikohen banesa dhe stanet e bagëtive.
Sipas shefit të shërbimit zjarrfikës të Rroskovecit, Eltjon Hyska, zjarri fillimisht është pikasur nga punonjës të kompanisë “Bankers Petroleum” të cilët kanë njoftuar menjëherë shërbimet zjarrfikëse.
Mësohet se në vendngjarje kanë mbërritur 4 mjete zjarrfikëse të Rroskovecit, Fierit dhe Bankersit të cilët kanë bërë të mundur neutralizimin e shpejtë të flakëve dhe largimin e rrezikut pranë banesave ku ndodheshin të alarmuar banorët e zonës.
Aktualisht situata është nën kontroll ndërkohë që shërbimet zjarrfikëse po punojnë në terren për shuarjen e plotë të vatrave të zjarrit të cilat të favorizuara nga era mund të riaktivizohen.
