Deputetja e PD-së, Alban Vokshi akuzoi sot se qeveria Rama 3-fishoi kostot e studimeve të Fakultetit të Mjekësisë për studentët që i detyron të punojnë në atdhe kur të mbarojnë studimet, “vetëm për të mashtruar dhe miratuar ligjin diktatorial”.
“Ndërkohë, në relacionin e përgatitur në Parlamentin e Shqipërisë citohet se “Sipas informacionit të përcjellë nga Universiteti i Mjekësisë, Tiranë, kostoja e studimit për programin e integruar të studimit në “Mjekësi e Përgjithshme” është 678.994 lekë/vit”. Mazhoranca socialiste në mënyrë të qëllimshme e ka trefishuar koston e studimit për të arritur, duke mashtruar, qëllimet e saj, dhe miratuar një ligj diktatorial” tha ajo.
Sipas vendimit të bordit të administrimit të universitetit të Mjekësisë kostoja për studentët që nuk pranojnë që të punojnë në atdhe kur të mbarojnë studimet do të jetë 248,975 Lekë në vit, ose afërsisht 2300 Euro në vit.
