Pasditen e sotme liderët e BE-së dhe Ballkanit që ndodhen në Tiranë inauguruan ngritjen e kampusit të Kolegjit të Europës në Shqipëri, që sipas qeverisë shqiptare është një tjetër gur themeli në rrugëtimin e përafrimit me standardet europiane, pasi ngre në një tjetër nivel sfidën për ndërkombëtarizimin e universiteteve tona dhe hap sigurisht, një horizont të ri edukimi për të rinjtë tanë.
Por në këtë pjesë të samitit nuk u shfaqën kancelari gjerman Scholz dhe kryeministri i Kosovës, Albin Kurti. Nuk përjashtohet mundësia që dy palët të kenë një takim “kokë më kokë” në këtë moment mes tyre për situatën në veri të Kosovës.
