Një grabitje është parandaluar në Lezhë. Dy persona të maskuar kanë tentuar që të grabisin një shtëpi.
Autorët të maskuar dhe armatosur i janë drejtuar në orët e para të ditës së sotme shtëpisë së Nikollë Bujës por kanë hasur në rezistencën e tij.
Për ta trembur kanë qëlluar disa herë me armë zjarri në ajër dhe më pas janë larguar. Ngjarja ndodhi rreth orës 2:00 të mëngjesit në fshatin Malecaj të Lezhës.
Një prej fqinjëve të familjes Buja në fshatin Malecaj të Lezhës që u tentua të grabitej në orët e para të mëngjesit të sotëm rrëfen ngjarjen e cila sipas saj ka frikësuar të gjithë fshatin.
“Me dalë jashtë kishim frikë. Shtëpia ime është pak më andej, kam dalë në dritare kam dëgjuar duke u dridhur. Krisi arma. Unë mendova se i ka zënë shtëpia. E pashë dhe më tha që kam shpëtuar.
Më tha që i kapa grykën e armës dhe e ngrita lart. Pastaj njëri më kapi me grushta nga turnjtë. E ka fytyrën zi. Jam shumë e frikësuar sepse ai që nuk dëshiron të punojë për një 10 mijë lekësh të merr shpirtin”, tha ajo.
