Qeveria e Serbisë për mes një reagimi ka dashur të hedhë poshtë “gënjeshtrat” se kryeministrja serbe, Ana Bernabiç nuk ka marrë pjesë në foton familjare me liderët në samitin e Procesit të Berlinit në Tiranë.
Në reagimin e tyre ata kanë bërë të ditur se janë të detyruar të mohojnë shkrimet se Bernabiç ka refuzuar të fotografohet me liderë të tjerë gjatë pjesëmarrjes në Samitin e Procesit të Berlinit në Tiranë.
“Bernabic ka marrë pjesë në një fotosesion të përbashkët të të gjithë liderëve evropianë dhe rajonalë në Tiranë, siç mund ta shihni në fotot e bashkangjitura.
Me këtë Serbia edhe një herë tregoi se nuk ndjek politikë izolimi, por se është e orientuar drejt bashkëpunimit dhe zgjidhjes së të gjitha çështjeve të pazgjidhura përmes dialogut,” thuhet në reagim.
“Gënjeshtrat e tilla të publikuara në opinion dëmtojnë edhe reputacionin e Republikës së Serbisë dhe përfitojnë vetëm ata që nuk ia dëshirojnë të mirën vendin tonë,” thuhet në reagimin e qeverisë së Serbisë.
Ajo ç’ka duhet theksuar është se Kryeministrja serbe u bashkua me liderët e tjerë pasi u krye fotoja familjare dhe nisi shfaqja me këngë e valle.
