Presidenti i Këshillit Evropian, Charles Michel kërkoi nga Kosova dhe Serbia që të ulin tensionet dhe zgjidhin konfliktet duke shkuar drejt pajtimit, pasi pa ndodhur kjo nuk mund të ketë bashkëpunim.
“Tensionet mes Serbisë dhe Kosovës e kanë sjellë këtë në vend të parë. Nuk ka asnjë bashkëpunim pa pajtim. Pajtimi kërkon kurajë politike dhe fokus tek e ardhmja. Kjo do të jetë fryma për këtë samit” tha ai.
Kishte një mesazh edhe për zgjerimin dhe vitin që vendosi, 2030-tën. “Duhet të jemi gati deri në 2030 për t’u zgjeruar. Ky afat është hasur me skepticizma sepse keni pritur për një kohë të gjatë. Ne po e përgatisim këtë “dasmë” sikur thotë Edi (Rama). Në BE zgjerimi është dhe do të mbetet një proces bazuar në meritë.
Duhet të nisë dhe të bëjmë që gjërat të lëviznin, përmes reformave nga ana juaj dhe nga ana jonë për të nisur debatin serioz për të ardhmen e BE-së. Duhet të bëjmë gati për zgjerimin e ardhshëm” tha ai.
