Kryeministri izraelit Netanyahu paralajmëroi Iranin dhe Hezbollahun e Libanit “të mos përpiqen të na provokojnë”. “Mos bëni të njëjtat gabime, çmimi që do të paguani këtë herë do të jetë shumë më i lartë”, tha ai.
Kryeministri Benjamin Netanyahu tha në parlament se kombi i Izraelit është i bashkuar në qëllimin e fitores, ndërsa pranoi se do të ketë një hetim për dështimet e inteligjencës dhe sigurisë që lejuan Hamasin të kryente një sulm kaq shkatërrues më 7 tetor. Ai i bëri thirrje botës të bashkohet dhe të luftojë Hamasin.
“Ka shumë pyetje rreth fatkeqësisë që na ndodhi dhjetë ditë më parë. Ne do të hetojmë tërësisht çdo aspekt. Kombi është i bashkuar drejt një qëllimi, fitores.
Ne do të triumfojmë sepse bëhet fjalë për ekzistencën tonë në këtë rajon, i cili është plot me forca të errëta. Hamasi është pjesë e boshtit të së keqes së Iranit dhe Hezbollahut. Qëllimi i tyre është të zhytin Lindjen e Mesme në një humnerë kaosi” tha ai.
