Në konferencën për mediat me presidentin e Francës, Emmanuel Macron, kryeministri Edi Rama tha se në Shqipëri operojnë 111 kompani franceze, të cilat nga pikëpamja ekonomike janë sa një këmbë e sulmuesit të PSG-së, Mbappe, por theksoi se janë shumë krahasuar me vite më parë, kur marrëdhënia ekonomike vlente sa një këpucë e Mbappe.
“Sot Franca është e pranishme në Shqipëri me 111 kompani me kapital të përbashkët. 111 janë shumë pak dhe nga pikëpamja ekonomike janë sa një këmbë e Mbappe, por janë shumë krahasuar me disa vite më parë, kur marrëdhënia jonë ekonomike vlente sa një këpucë e Mbappe, do të luftojmë së bashku për këmbën e dytë të Mbappe” tha ai.
