“Po hyjmë në një erë të re, të ribashkimit të kontinentit”. Kështu u shpreh Emanuel Macron nga Tirana në vizitën e parë të një Presidenti Francës në Shqipëri. Ai tha se Europa duhet të ribashkohet dhe kjo nuk është “një dhuratë që po i bëhet Shqipërisë. Është mirë për ju dhe për ne. Zgjedhje gjeopolitike” tha ai.
Kreu i shtetit francez tha se është Franca do të riangazhohet në Shqipëri me investime të reja në shumë sektorë. “Unë jam i lumtur që jam këtu pa bërë asnjë kujdesie diplomatike për gjuhën. Jam i lumtur që jam krah teje në një moment të vështirë për Europën me atë që po përjeton Ukraina, me rikthimin e luftës në Kaukaz dhe terrorizmit në vendin tonë.
Brukseli u sulmua mbrëmë dhe dy qytetarë suedezë u prekën. Po thoja që të jem në krahun tuaj do të thotë që shënoj një formë riangazhimi të Francës në vendin tuaj dhe rajon. Ishin një gabim i thellë që prej 1912 nuk kishte ardhur asnjë presidenti i Francës apo të bënit një copë rrugë bashkë.
Ajo që dëshirojmë të bëjmë është që të hapim terrene të reja. Javën e kaluar ka pasur një delegacion të rëndësishëm dhe janë nënshkruar marrëveshjet për energjinë e rinovueshme, inovacion, etj. Shpresoj që të jemi në ambicien tuaj për turizmin dhe të kemi francezë të planit të parë.
Franca do të angazhohet për të formuar shqiptarët me zanatet e reja. Do të hapim shkollën për zanatet dixhitale. Axhenda dypalëshe po shtohet dhe vullneti ynë është që të përgatisim një marrëveshje mes dy qeverive për të shkuar më lart.
Po hyjmë në një erë të re, të ribashkimit të kontinentit. Përshëndes axhendën e reformave që keni ndërmarrë. Jeni një popull që e do Europën. Kjo është thelbësore për këtë kohë të ribashkimit” deklaroi Macron.
