Katër vite nga tërmeti tragjik i 26 Nëntorit të vitit 2019 procesi i rindërtimit vazhdon që të marrë fonde nga buxheti i shtetit. Ditën e sotme qeveria miratoi një rishpërndarje fondesh.
12 miliardë Lekë shkojnë për procesin e rindërtimit, të prekurit nga tërmeti. Jo vetëm kaq, por edhe për vitin tjetër janë parashikuar fonde të tjera.
“Procesi nuk është i lehtë, por me kosto, fondet që alokohen sot duhet të procesohen deri në fund të vitit. Besojmë se do i japë një shtysë të fortë, por nuk e përmbyll procesin. Edhe në buxhetin e vitit tjetër do të alokojmë një pjesë fondesh që shkojnë për rindërtimin” tha ministri Ervin Mete.
Por sa janë shpenzuar deri tani nga buxheti i shtetit për rindërtimin? Vetë ministri Ervin Meta deklaroi se “buxheti ka financuar deri tani për rindërtimin 890 milionë Euro”.
