Për produksionin, “Big Brother VIP 2” ka mbaruar, por për publikun ende jo.
“Armiqësia” vazhdon edhe jashtë mes dy ish-konkurrentëve që s’flasin më me njëri-tjetrin edhe pse kanë luajtur së bashku një film, e madje janë puthur në të.
Gjatë premierës së filmit në Kosovë mbrëmjen e kaluar, fansa të Luizit i janë “hakërryer” Oltës, duke i thënë:
“Olta mos u fry, se s’të do kurrkush”.
Ajo i ka dëgjuar fjalët dhe zgjodhi t’i injoronte, mirëpo njerëzit s’e kanë lënë me kaq, sidomos në rrjete sociale. Dikush shkruan se të gjithë njerëzit kishin ardhur për Luizin, megjithatë Olta ia ka kthyer me sportivitet.
“Edhe sikur të jetë tamam kështu, prapë shumë bukur ishte, jam kënaq nga të gjithë ju sonte,” shkruan ajo, shoqëruar me një zemër të kuqe.
