Papa Françesku ka uruar dhe bekuar të rinjtë shqiptar me anë të një mesazhi.
Në videon e shkurtër, Papa u kërkon të rinjve që të punojnë për atdheun, sepse vetëm kështu vendi mund të shkojë përpara.
“Për ju të rinjtë shqiptar, një përshëndetje të përzemërt. Ju uroj më të mirën. Punoni për atdheun, sepse vetëm kështu atdheu shkon përpara, dhe atdheu ka nevojë për ju. Zoti ju bekoftë, Shën Mëria ju mbroftë dhe lutuni për mua,” thotë kreu i Vatikanit në mesazhin e tij.
Mesazhi i kreut të Vatikanit është publikuar nga vetë Arqipeshkvi i Tiranë-Durrës Imzot Arjan Dodaj.
Papa Françesku e don shumë popullin tonë!
Të dashur miq, sot ju bëj surprizën e pershendetjes që i kërkova për ju Papa Françeskut. Ai vecanërisht ka fjalë inkurajuase për të rinjtë shqiptarë që të punojnë për atdheun, që të hecë përpara, se atdheu ka nevojë për të rinjtë🇦🇱! pic.twitter.com/OU7DgIL3Fx— + Arjan Dodaj FdC (@donarjan77) October 23, 2023
