Shërbimi Meteorologjik Ushtarak parashikon se dita e sotme do të jetë në ndikim të kushteve atmosferike relativisht të paqëndrueshme. Moti parashikohet me alternime vranësirash dhe intervale kthjellimesh.
Reshjet e shiut të herëpashershme me intensitet deri mesatar do të jenë prezente kryesisht në veriperëndim. Ndërsa në pjesën tjetër të vendit reshjet e shiut me intensitet të ulët të karakterit lokal do të bëhen prezente në orët e mesditës deri pasdite.
Era do të jetë me drejtim nga veriperëndimi me shpejtësi mesatare deri në 8m/sek, e cila hera-herës përgjatë vijës bregdetare fiton shpejtësi deri në 15m/sek. Valëzimi në dete pritet të jetë i forcës 3-4 ballë.
