Paraditen e sotme Gjykata e Posaçme vendosi që të linte në fuqi masën e sigurisë “arrest në shtëpi” për ish-drejtoreshën e Kadastrës Durrës, Rajmonda Dashi.
Ish-zyrtarja akuzohet se ka ndihmuar dy vëllezërit Besian dhe Leonard Rama të pastrojnë paratë që si burim kanë aktivitetin e trafikut të drogës në Belgjikë.
Sipas SPAK-ut Rajmonda Dashi duke shfrytëzuar postin e saj ka ndihmuar dy vëllezërit që paratë e vendosura nga aktiviteti kriminal të investoheshin në pasuri, tashmë të vënë në sekuestro nga Prokuroria e Posaçme.
Nën sekuestro janë vënë pasuri të shumta që i përkisnin këtij grupi, mes të cilave 12 apartamente në qytetin e Fierit, 4 apartamente dhe 3 garazhe në qytetin e Tiranës, si dhe 27 llogari bankare, dy automjete dhe një shoqëri tregtare.
Skema dhe manovrat me biznesmenin/ Si u lidh ish-drejtoresha me trafikantët?
