Presidentja e Komisionit Europian, Ursula von der Leyen ishte sot në Prishtinë. Pas takimeve me presidenten Osmani dhe kryeministrin Kurti shoi të gjitha dyshimet që ngriti pak ditë më parë Presidenti i Francës, Macron nga Tirana për vizat. Leyen deklaroi se nga 1 Janari qytetarët e Kosovës do të lëvizin të lirë në BE.
“Liberalizimi i vizave. Më kujtohet shumë mirë vitin e kaluar, kur bëmë thirrje të fuqishme. Tani këtë vit, pothuajse ia dolëm. Është një hap i avancuar. Nga 1 Janari kosovarët do të gëzojnë lëvizjen e lirë në BE. Ky është një guri themeli shumë i rëndësishëm” tha ajo.
Kishte edhe një kërkesë të qartë për Kosovën. “Kosova të pranojë draftin e Asociacionit, ndërsa Serbia duhet të pranojë njohjen “de facto” dhe dialogu i BE-së është i angazhuar në bisedime” tha ajo. E pyetur mbi sanksionet që ende vijojnë që të jenë mbi Kosovën, tha se “kemi biseduar që masat të tërhiqen”.
Osmani në konferencë me Von der Leyen: Qytetarët e Kosovës nga 1 janari pa viza
