Policia në aeroportin e Rinasit ka arrestuar dy shtetas kinezë të cilët kanë tentuar për të kaluar kufirin me pasaportë të falsifikuar.
Në flagrancë janë arrestuar një 27-vjeçar dhe një 52-vjeçar nga Kina që paraqitën në dalje pasaporta false të Koresë së Jugut.
Gjatë kontrollit fizik, atyre iu janë gjetur pasaportat e tyre kineze, me të njëjtat gjeneralitete si pasaportat e falsifikuara.
4 pasaportat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Tiranës, për veprime të mëtejshme, për veprën penale “Falsifikimi i letërnjoftimeve, i pasaportave ose i vizave”, kryer në bashkëpunim.
