Aleanca Kosovare e Bizneseve (AKB) në Kosovë për mes një postimi në Facebook ka njoftuar për vdekjen e biznesmenit Lulzim Kryeziu.
AKB ka shprehur ngushëllime për vdekjen e biznesmenit. Më herët, zëdhënësi i Policisë së Kosovës për Rajonin e Gjakovës, Toger Sheremet Elezaj u shpreh se është gjetur i varur një person në një objekt biznesi familjar.
Familja gjen burrin e vdekur brenda biznesit, dyshimet e para
“Sot rreth orës 15:20 kemi pranuar informatë se në fshatin Mleqan-Malishevë, viktima mashkull i moshës madhore është gjetur i varur në një objekt biznesi familjar”, ka deklaruar Elezaj.
“Njësitet e nevojshme policore kanë dalë në vendin e ngjarjes si dhe ekipi mjekësorë të cilët kanë konstatuar vdekjen e viktimës”, shtoi tutje Elezaj.
Vjen reagimi i policisë, si u gjet i vdekur biznesmeni i njohur
Lidhur me rastin është njoftuar edhe prokurori i shtetit në koordinim me të cilit janë duke u ndërmarrë të gjitha veprime e nevojshme hetimore.
Më herët gjatë këtij viti, Kryeziu ishte dënuar me 4 muaj burgim dhe një gjobë prej 1 mijë euro për “dhunë në familje”. Ai ishte denoncuar në atë kohë në polici nga bashkëshortja dhe djali i tij, të cilët ishin shprehur se ndiheshin të rrezikuar.
