Në Shqipëri do të ndërtohen qendra nga Italia me qëllim pritjen e dhjetëra mijërave emigrantëve të paligjshëm.
Këtë e konfirmoi kryeministria Italiane Giorgia Meloni, e cila bëri të ditur planin në takimin zyrtar që pati me kryeministrin Edi Rama në Romë.
Qëllimi i këtyre qendrave të cilat do të hapen në pranverën e vitit të ardhshëm është të përpunojnë deri në 36,000 emigrantë në vit, deri sa Italia të shqyrtojë kërkesat e tyre për azil. Qendrat do të ndërtohen në portin e Shëngjinit dhe zonën e Gjadrit në veriperëndim të Shqipërisë.
Një marrëveshje kjo e arritur midis dy kryeministrave të vendeve, e cila ka mare jo pak kritika nga figurat e tjera politike.
Riccardo Magi, kreu i partisë Liberale+ Europa, tha se plani ishte “i frikshëm” dhe se marrëveshja është e paligjshme, pasi Italia nuk mund të dërgojë njerëzit në një vend jashtë BE-së, tha Magi.
Andrea Costa, president i shoqatës së ndihmës së emigrantëve me bazë në Romë, Baobab Experience, i tha BBC-së se njoftimi i “kapi të gjithë në befasi” dhe tregoi se politikat e qeverisë italiane të imigracionit “po shkonin në drejtimin e gabuar”.
Zonja Meloni, e cila kryeson partinë e krahut të djathtë, nacionalist Vëllezërit e Italisë, është e njohur për pikëpamjet e saj të vendosura kundër emigracionit.
Afrikanët drejt Shqipërisë, Rama: Pakti do të kalojë në parlament
