Fondacioni Çamëria “Hasan Tahsini” ditën e sotme promovon librin “Aleanca e duhur Shqipëri-Kroaci” nga ambasador Shaban Murati.
Është libri i parë dhe i vetëm nga një autor në Shqipëri për marrëdhëniet aktuale të Kroacisë me Shqipërinë dhe për politikën e jashtme të Kroacisë në Ballkan nga pavarësia e saj deri më sot.
I ftuar i posaçëm nderi do të jetë Stjepan Mesić, President i Republikës së Kroacisë 2000-2010.
Gjithashtu i ftuar do të jetë edhe Glauk Konjufca, Kryetar i Kuvendit të Kosovës. Promovimi do të realizohet duke filluar nga ora 17.00 tek Hotel Tirana International.
