Klubi i Al Itihad ka gjetur më në fund një emër të ri për pankinën. Pas largimit të Nunjo Espirito Santo pak ditë më parë, pas përplasjeve të tij me Karim Benzema, klubi arab ka afruar një legjendë të vërtetë të pankinave dhe do ta bëjë një nga emrat më të paguar në botë.
Marselo Gajardo një nga emrat më të njohur të Amerikës së Jugut, është zyrtarizuar si trajneri i ri i klubit arab.
Tekniku i cili drejtoi nga vitit 2014, deri në vitin 2022 klubin e River Plejt, është një emër shumë i vlerësuar dhe të cilin mendohet se edhe Benzema e kishte mbështetur si kandidaturë.
Palët kanë nënshkruar një kontratë deri në dhjetorin e vitit 2025 me të drejtën për të zgjatur marrëveshjen edhe 18 muaj të tjerë në varësi të disa kushteve që mund të plotësohen gjatë kësaj periudhe.
