Prokuroria e Kurbinit ka kaluar për gjykim dosjen ndaj Kristjan Cenajt që është arrestuar dhe akuzohet për vrasjen dhe zhdukjen e 16-vjeçarit Maringlen Gjonaj. 31-vjeçari do të përballet në gjykatë me akuzën e “Vjedhjes me pasoje vdekjen”.
Cenaj ka mohuar të ketë lidhje me ngjarjen e rëndë, por sipas dosjes hetimore të prokurorisë është arritur të provohet se 31-vjeçari e ka vrarë adoleshentin për t’i marrë një orë Rolex dhe një varëse adoleshentit të cilat i kishte me vete ditën e ngjarjes.
Vrasja e 16-vjeçarit Mariglen Gjonaj u zbardh disa vite pasi iu gjetën eshtrat të groposura në një zonë me ferra dhe shkurre në zonën e Fushë-Kuqes në Kurbin.
