Kryetari i Grupit Parlamentar të PS-së, Taulant Balla, njoftoi për një rrëshqitje masive të tokës në fshatin Spathar të Librazhdit, e cila ka dëmtuar rëndë 7 banesa.
Fenomeni ka filluar dje rreth orës 14:30 dhe ka përfshirë një bllok të tërë banimi në Lagjen Hoxha, pranë ish-depos së furnizimit me ujë të qytetit të Librazhdit.
Pas lëvizjeve të para të dheut, situata u përkeqësua dhe më vonë, ndërsa shumë banesa janë bërë të pabanueshme.
Balla ka bërë të ditur gjithashtu se fenomeni ka shkaktuar dëme në infrastrukturën rrugore dhe tokën bujqësore.
Emergjencat civile kanë intervenuar për vlerësimin e situatës.
