Ditën e sotme kreu i Partisë Demokratike, Lulzim Basha ka zhvilluar një takim me qytetarët e Vlorës ku dhe ka diskutuar për problematikat e largimit të rinjve dhe shkaqet që i çojnë ata drejt emigrimit.
Sipas Bashës ky vrull emigrimi ka ardhur për faktin se disa politikanë e kanë kthyer pushtetin në pronë duke mos iu dhënë mundësi të rinjve.
“Shqipëria i ka të gjitha mundësitë për tu zhvilluar dhe për tu mundësuar të rinjve të ndërtojnë jetën e tyre këtu. Me energjinë, punën dhe angazhimin e të rinjëve, Shqipëria do të bëhet. Detyra jonë është tua japim besimin, që të rinjtë të vendosin për të ardhmen e tyre. PD është një parti që lindi nga të rinjtë dhe do të bëhet një parti ku mishërohen ëndrrat dhe shpresat e të rinjve”, tha kryetari i PD gjatë bisedës me të rinjtë vlonjatë.
