Reshjet e dëborës kanë shkaktuar probleme në akse të ndryshme të vendit që prej ditës së djeshme.
Në parkun Kombëtar të Qafështamës dëbora ka arritur deri në 30 cm duke shkaktuar vështirësi në kalimin e rrugës Krujë-Qafështamë.
Në Malin e Krujës, niveli i dëborës shkon deri në 10 centimetra, ndërsa rruga është e kalueshme me vështirësi si pasojë e prezencës së akullit dhe dëborës në rrugë.
Gjatë natës, ka rënë edhe niveli i lumit Ishëm i cili fatmirësisht nuk ka shkaktuar përmbytje në asnjë nga pikat kritike.
Mbrëmjen e djeshme, reshjet e dëborës shkaktuar probleme të shumta kryesisht në veri të vendit, në Dibër, Kukës, Shkodër dhe Kurbin.
