Kryeministri Edi Rama gjatë një bisedë në Këshillin e Atlantikut mbi sfidat e rajonit dhe perspektivën Europiane kryefjalë vendosi dialogun Kosovë-Serbi dhe Asociacionin, që është “thembra e Akilit”.
Kreu i qeverisë shqiptare e cilësoi të jashtëzakonshëm faktin që Albin Kurti pranoi që të diskutonte në parim për draftin e propozuar nga BE.
“Duke pranuar asociacionin, kryeministri i Kosovës ka dëshmuar vullnet të rëndësishëm për të ecur përpara dhe për të kërkuar zgjidhje dhe jo alibi apo për të kërkuar të shkuarën në vend të së ardhmes.
Nëse autoritetet e Kosovës do i përmbahen asaj që kanë nisur me marrëveshjen në parim, sikur është shprehur edhe Kurti në Bruksel, kjo do të jetë e jashtëzakonshme për hir të Kosovës dhe rajonit” tha ai.
