Athina po përshkallëzon reagimet e saj kundër burgosjes së kryebashkiakut të zgjedhur të Himarës, Fredi Beleri. Mediat greke shkruajnë se në mbledhjen e sotme të Këshillit të Përfaqësuesve të Përhershëm të Shteteve Anëtare të BE-së Athina ka paraqitur një rezervë të shprehur në lidhje me ecurinë e procesit të anëtarësimit të Shqipërisë, duke bërë të qartë se nuk do të japë pëlqimin për ecurinë e negociatave të anëtarësimit të Shqipërisë nëse Fredi Beleri nuk do të lejohet që të betohet.
Në tetor, Greqia nuk pranoi dërgimin e letrës për hapjen e kapitujve si pikënisje e negociatave të anëtarësimit të Shqipërisë. Mediat greke theksojnë se më 4 dhjetor, “gjykata e Tiranës do të shqyrtojë, pas shumë muajsh pengesë, kërkesën e Fredi Belerit për t’i dhënë leje për të bërë betimin ndërkohë që do të zhvillohet gjykimi normal për akuzat për blerje votash ndaj tij”. Athina me deklaratat e ministrit të Jashtëm Giorgos Gerapetritis dhe me misionin në Tiranë të ministrit të shtetit Stavros Papastavros i cili vizitoi Fredi Belerin në burgjet e Durrësit ka dërguar një mesazh të qartë se do të përdorë çdo mjet presioni që ka në dispozicion.
Greqia bën gati planin “B”!/ Gjermania dhe Spanja presion: Hiq veton për Shqipërinë!