Bazuar në parashikimet e Kapitanerisë së Portit të Durrësit mbi situatën hidrometereologjike në dy ditët në vijim pritet përkeqësim i motit.
Në këto kushte kompanitë e lundrimeve kanë bërë të ditur siç raporton Autoriteti Portual i Durrësit, se mbrëmjen e sotme nuk do të ketë nisje të trageteve të linjës Durrës-Bari dhe anasjelltas.
Ndërkohë, trageti i linjës Durrës-Ankona, do të vijojë normalisht lundrimin sipas parashikimit.
Autoriteti Portual Durrës ka marrë të gjitha masat e nevojshme për sigurinë e mjeteve të vogla lundruese të akostuara në kalatat portuale të Portit të Durrësit.
