Java e 15-të e Superligës shqiptare do të sjelli mbrëmjen e sotme derbin mes Tiranës dhe Partizanit, ndeshja më e luftuar në vendin tonë.
Ndeshja e sotme do të jetë e dyta midis dy ekipeve për këtë sezon, teksa e para u fitua 2-1 nga Partizani, ndërsa kjo do të jetë përballja e 172-të në Superligë midis këtyre dy ekipeve dhe e 199 në total.
Në 198 ndeshje të zhvilluara mes tyre, Tirana ka 58 fitore ndërsa Partizani numëron 79 triumfe, 61 sfida janë mbyllur në barazim.
“Demat” kanë shënuar 262 gola në të gjitha përballjet, duke lënë përsëri pas për nga statistikat Tiranën, që numëron 215 gola të shënuar.
Në letër Partizani duket më i favorizuar për nga statistikat.
Në derbi Tirana vjen nga humbja 1-0 kundër Egnatias, ndërsa partizani barazoi 0-0 me Dinamon.
Të besuarit e Julian Ahmetajt renditen në vendin e 3-të me 21 pik, ndërsa Partizani mban vendin e dytë me 28 pik por me dy ndeshje më pak të luajtura.
