Të hënën e 4 Dhjetorit është hedhur shorti për zgjedhjen e anëtarëve të rinj të Këshillit të Emërimeve në Drejtësi për vitin 2024. KED do te drejtohet nga gjyqtari Sokol Ngresi.
Nga ky short është zgjedhur fituese si anëtare nga radhët e Gjykates Kushtetuese, Elsa Toska dhe Sonila Bejtja.
Një tjetër anëtare e KED, si përfaqësuese nga Prokuroria e Përgjithshme do të jetë prokurorja Alma Muça.
Gjyqtarja Irena Brahimi, do të jetë anëtare në Këshill si përfaqësuese e Gjykatave të Apelit.
Prokurori Lazer Çardaku është zgjedhur anëtar i Këshillit si Përfaqësues i Apelit të Prokurorisë së Juridiksionit të Përgjithshëm.
Po ashtu, nga Prokuroria e Apelit të Juridiksionit të Përgjithshëm do të jetë si përfaqësues në KED, prokurori Genti Xholi.
Gjyqtari Ramiz Lala do të jetë anëtari i ri i Këshillit si përfaqësues i Gjykatës Administrative.