Seanca plenare e kësaj të hëne është shoqëruar me përplasje të forta mes deputetëve të Partisë Demokratike dhe efektivëve të Gardës.
Deputeti Gazment Bardhi i ka fikur mikrofonin Petro Koçit të PS, pasi këtij të fundit iu dha fjala nga kryetarja e Kuvendit Lindita Nikolla.
Por përveç këtij veprimi, kamerat kanë pikasur dhe momentin kur deputeti tjetër i opozitës Edi Paloka ka tentuar të qëllojë me shuplakë Petro Koçin, por është penguar nga punonjësit e Gardës. Nga ana tjetër deputeti socialist nuk ka lëvizur nga vendi.
