Kryetari i grupit të PD-së, Gazment Bardhi njoftoi se nesër do të depozitohet në Gjykatën Kushtetuese marrëveshja e qeverisë Rama me Italinë për të sjellë emigrantët në Shëngjin prej prillit të vitit të ardhshëm.
“Kërkesa për marrëveshjen me Italinë do të depozitohet nesër në Gjykatën Kushtetuese. Kërkojmë një shqyrtim të shpejtë, profesional dhe të paanshëm nga gjykata për të mbrojtur interesin e shqiptarëve dhe Shqipërisë.
U diskutua për situatën në Kuvend dhe vijimin e aksionit. Nesër do të mblidhet grupi i parlamentar. Kemi rikonfirmuar për të mos hequr dorë nga mundësia që Kuvendi t’i kthehet normalitetit dhe kjo kalon përmes respektimit të të drejtave kushtetuese” tha ai.
