Në Ditën e Rinisë, deputetja e Partisë Demokratike, Jorida Tabaku shprehet se pas 30 vitesh, rinia në Shqipëri vazhdon të largohet masivisht. Fajtori kryesor sipas saj është Edi Rama.
“Tre dekada më parë studentët u ngritën për një Shqipëri të lirë nga kulti individit dhe diktatura trushplarëse e një elite të korruptuar dhe kriminale.
U ngritën për tu larguar nga një qeverisje që kishte biografinë si diplomë dhe internonte njerëzit familjarisht nëse nuk i pushkatonte apo i dergjte burgjeve.
Përtej urim sot duhet të pyesim veten se përse mbi 500 000 të rinj janë larguar dhe çfarë mund të bëjmë për të ndaluar hemorragjinë që po plak Shqipërinë.
Nuk mund të ndërtojmë Shqipërinë Europiane nëse vazhdojmë të këmbëngulim në diktatin e një politike që ka ngecur në vendnumëro. Nuk mund të flasim për të ardhmen e të këndojmë ende himnin e kultit të individit.
Është koha të ndryshojmë për ti lënë fëmijëve tanë një Shqipëri që mund të jetojnë dhe mund ta ndryshojmë” mbyllet postimi.
