Detaje të reja kanë dalë nga përplasja tragjike e dy trenave në zonën e Faenza në Ravenna të Italisë.
Bëhet me dije se ndërhyrja e policisë dhe zjarrfikësve ka qenë e shpejtë, ndërsa linjat hekurudhore në zonë janë ndërprerë rreth orës 20:00.
Nga kjo përplasje janë lënduar 15 persona dhe 6 të tjerë janë dërguar në spital pasi kanë qenë në gjendje më të rendë.
Menaxheri i komunikimit i linjës hekurudhore, në një prononcim për mediat ka bërë me dije për Rai News 24, se “kabinat e drejtimit të dy trenave pësuan dëmtime të vogla, gjë që tregon se përplasja ndodhi me një shpejtësi shumë të ulët, pothuajse si një manovër”, ndërsa theksoi se shkaqet e përplasjes janë ende të paqarta.
