Dje në mesnatë, punonjësi i një karburanti në Selitë ka rënë pre e një grabitjeje me dhunë.
Policia ka arritur të zbardhë ngjarjen dhe janë arrestuar 2 të rinjtë, Kristjan Lazaj 21, vjeç dhe Aleksandro Lazaj 22 vjeç të dy banues në Tiranë.
Aleksandro ka zbritur nga makina dhe teksa po furnizonte makinën me karburant ka filluar përleshjen me punonjësin.
Ky i fundit ka rezistuar me qëllim ruajtjen e parave, madje duke rrezikuar dhe jetën e tij por Aleksandro ia mori me dhunë xhiron ditore.
Policia ka sekuestruar në makinë mjetin prerës thikë, një përforcues grushti, veshjet dhe automjeti që autorët e dyshuar kanë përdorur për të kryer krimin.
