Gjykata e Apelit të Posaçëm ka konfirmuar dënimin me 4 vite e 6 muaj burg të gjyqtares, Mimoza Margjekaj.
Ajo akuzohet për korrupsion, pasi hetimet provuan marrjen e një ryshfeti prej 6 mijë euro nga një i arrestuar për trafik klandestinësh.
Por, dënimi u konvertua në 3 vite shërbim prove dhe 5 vite heqje e të drejtës të funksioneve publike.
Bashkëshorti i saj Arben Cara akuzohet si ndërmjetës, pasi ishte ai që mori paratë.
Edhe për bashkëshortin e gjyqtares Apeli i Posaçëm la në fuqi vendimin e GJKKO duke konfirmuar burgimin me 4 vite, të cilat do të kryhen në një burg të sigurisë së zakonshme.
